Кеча, 18 август куни Навоий вилоятининг Нурота туманида жойлашган “Темирчи” олтин кони аукционда 67 млрд 780 млн 777 минг сўмга сотилди. Бу ҳақда E-аукцион платформаси малумотларида келтирилган.
Маълум қилинишича, “Темирчи”нинг бошланғич баҳоси 4 млрд 120 млн 412 минг сўмни ташкил этган. Бошланғич баҳодан қарийб 16,5 баравар юқори нарх – 67 млрд 780 млн 777 минг сўм таклиф қилиб, конни сотиб олган.
Аукцион 12 соат давом этиб, 309 та таклиф тушган.Ягона давлат реестри маълумотларига кўра, “Заурис” жорий йилнинг июль ойида Тошкентда ташкил этилган. Асосий фаолият тури – рангли металл рудаларини қазиб олиш.
Маълумот учун, “Темирчи” олтин кони Зафаробод қишлоғидан 26,7 км шимоли-ғарбда ва Навоий шаҳридан 35 км шимолда жойлашган. Унинг майдони 249 гектар бўлиб, лот ҳужжатларига кўра, конь захираси 6 тонна олтинни ташкил этади.
