“Дружба” нефть қувури орқали Россиядан Европага нефть етказиб бериш қайта йўлга қўйилди. Бу ҳақда Венгрия ва Словакия 19 август куни кечқурун маълум қилди.
Маълумотларга кўра, 18 август тонгида Украина армияси Тамбов вилоятидаги “Никольское” нефть қувур станциясига зарба бериши ортидан нефть қувурида иш тўхтаб қолган эди. Москва эса трансформатор станцияси қисқа муддатда тикланишини билдирган.
Ҳозирда “Дружба” қувурининг жанубий йўналиши орқали Россия нефтини фақат Венгрия ва Словакия харид қилмоқда. Уруш бошланганидан бери қувурда бир неча бор нефть етказиб бериш узилиб қолган.
