Суриянинг муваққат ҳукумати деноминатсияланган миллий валютадаги банкнотларни муомалага чиқаришни режалаштирмоқда. Бу ҳақда “Реутерс” хабар берди.
Маълум қилинишича, “Гознак” Сурия учун илгари ҳам банкнотлар чоп этган.
Сурияда янги банкнотлар чиқарилади, кучсизланган фунтга ишончни тиклаш мақсадида ундан иккита ноль олиб ташланади.
Нашрнинг икки манбасининг сўзларига кўра, мамлакатнинг муваққат ҳукумати янги банкнотларни Россиянинг “Гознак” компанияси билан ишлаб чиқаришга келишиб олган. Уларнинг маълумотига кўра, тегишли битим жорий йилнинг июль ойи охирида Сурия делегациясининг Москвага ташрифи чоғида эришилган.
Шунингдек, 2024 йилда Сурияда ҳокимият алмашинуви юз берганди. Ўтган йилнинг ноябрь ойи охирида мухолифатнинг қуролли отрядлари Сурия армияси позицияларига ҳужум бошлади, мамлакатнинг иккинчи муҳим шаҳри Ҳалабни эгаллади ва 8 декабрь куни Дамашққа кирди. Башар Асад президентлик ваколатларини топширди ва мамлакатни тарк этди. Янги Сурия маъмурияти раҳбари Аҳмад аш-Шара жорий йилнинг 29 январида ўтиш даври президенти сифатида эълон қилинди.
