“Ўзгидромет” хабарига кўра, 24-август куни мамлакат ҳудудида ҳаво бироз булутли бўлиб, ёғингарчилик кутилмайди. Фақат Андижон, Наманган ва Фарғона вилоятларида ҳамда тоғли ҳудудларда қисқа муддатли ёмғир ёғиб, момақалдироқ бўлиши мумкин.
Шамол шарқдан 3–12 м/с тезликда эсади, баъзи жойларда 13–18 м/с гача кучайиб, чанг-тўзонлар кузатилиши мумкин.
Кечаси республика бўйлаб ҳаво 15–23 даража илиқ бўлади. Кундузи ҳарорат Қашқадарё ва Сурхондарё вилоятларида 35–40 даража, Тошкент, Самарқанд, Жиззах ва Сирдарёда 32–37 даража, Бухоро ва Навоийда 32–37 даража, Қорақалпоғистон ва Хоразмда 31–36 даража, Андижон, Наманган ва Фарғонада 32–37 даража, тоғли ҳудудларда эса 23–28 даража илиқ бўлиши кутилмоқда.
