Россиялик альпинист Наталя Наговитсйна 12 августдан бери Пик Победа чўққисида, тахминан 7200 метр баландликда ҳаракатсиз ҳолатда қолмоқда. Унинг оёғи синган ва у ҳаракатлана олмайди.
25 август куни ҳолатини аниқлаш мақсадида дрон юборилиши керак эди, бироқ оғир об-ҳаво туфайли бу режа амалга ошмади. Россия Альпинизм федерацияси вакили Александр Яковенкога кўра, қачон яна уриниш бўлиши номаълум.
Маълумотларга кўра, Наговитсйна билан бир гуруҳда ҳаракатланган италиялик альпинист унга егулик, иссиқ кийим ва газ етказган, бироқ у ҳам чўққи яқинида вафот этган — эҳтимол, мия шиши сабабли.
