Ижтимоий тармоқларда Тошкент шаҳрида тарвуздан заҳарланиш ҳолатлари кўпайгани ҳақида хабар тарқалмоқда. Ҳолат юзасидан Тошкент шаҳар Санитария-эпидемиология бошқармаси муносабат билдирди.
Маълум қилинишича, ҳозирги кунда пойтахт аҳолиси ўртасида тарвуздан заҳарланиш ҳолатлари кетма-кет қайд этилаётгани бўйича Юқумли касалликлар шифохонасидан тезкор хабарномалар келиб тушгани йўқ. Тарвуздан заҳарланиш ҳолатлари кўпайиб кетяпти, деган хабарлар эса ҳақиқатга тўғри келмайди.
“Текширувдан ўтмаган ҳолда йўл ёқаларида сотилаётган полиз маҳсулотларини харид қилмаслигингиз, фақатгина ишончли ва рухсат этилган савдо нуқталарида, тўғри шароитда сотилаётган маҳсулотларни истеъмол қилишингизни эслатиб ўтамиз”, — дейилади хабарда.
