“Эркин руслар” ассоциацияси Испания Миллий суд палатаси прокуратурасига ариза топшириб, Аликант шаҳридаги “Рус уйи” жамияти ва унинг таркибидаги Ҳуқуқий ёрдам маркази мамлакат қонунларини бузаётганини таъкидлади.
Мухолифлар таъкидлашича, марказ Россиянинг хориждаги ватандошларни қўллаб-қувватлаш жамғармасидан молиялаштирилади ва Испанияда Россияга содиқ журналистлар ҳамда адвокатлар гуруҳини шакллантириш билан шуғулланади.
Уларнинг фикрича, бу фаолият Испания хавфсизлигига хавф туғдиради ва рус диаспорасини обрўсизлантиради.
