Давлат хавфсизлик хизмати томонидан ўтказилган тезкор тадбирда Миграция агентлигининг Наманган вилояти бўлими бош мутахассиси ва марказий аппарат ходими Жанубий Кореяга ишга юбориш эвазига фуқаролардан йирик миқдорда пул олиб, фирибгарлик қилганликда гумон қилиниб қўлга олинди.
Қайд этилишича, улар 80 нафардан ортиқ фуқарони хорижга юборишни ваъда қилиб, жами 700 минг АҚШ долларидан ортиқ маблағни олган.
Улардан бири жиноят устида 41 минг, иккинчиси эса 15 минг доллар олаётганда ушланган.
Мазкур ҳолат юзасидан Жиноят кодексининг 168-моддаси (Фирибгарлик) ва 28,211-моддаси (Пора олишга шериклик) билан жиноят иши қўзғатилиб, жиноий гуруҳнинг қолган аъзоларини аниқлаш бўйича тергов давом этмоқда.
