2025 йил 11 сентябрь куни Қозоғистон Республикаси Олмаота вилояти Или тумани Байсерке қишлоғида жойлашган "LGN Metal" корхонасида портлаш содир бўлди. Бунинг оқибатида уч нафар Ўзбекистон фуқаролари ҳалок бўлди.
Ҳодиса юзасидан Или тумани полицияси томонидан инсон ўлимига олиб келган меҳнат муҳофазаси қоидаларини бузиш бўйича жиноят иши қўзғатилиб, тергов ҳаракатлари олиб борилмоқда.
Миграция агентлигининг маълум қилишича, марҳумларнинг жасадларини ватанга қайтариш учун зарур расмийлаштириш ишлари ташкил этилди.
Марҳумларнинг яқинларига керакли амалий ёрдам кўрсатиш бўйича масъул ходимлар бириктирилган.
Қозоғистон томони билан тергов жараёнида доимий ҳамкорлик йўлга қўйилди.
Миграция агентлиги марҳумларнинг оила аъзоларига ҳамдардлик билдирди.
