Учрашувда АҚШнинг Юта штати ва Ўзбекистон ўртасида савдо, инновация, таълим ва рақамлаштириш соҳаларидаги ҳамкорлик муҳокама қилинди.
Томонлар қўшма лойиҳаларни амалга оширишда катта салоҳият мавжудлигини қайд этдилар. Хусусан, тоғ-кон саноати, хотин-қизлар тадбиркорлиги, соғлиқни сақлаш ва сув таъминоти йўналишларида янги ташаббуслар кўриб чиқилди.
Учрашув якунида ҳудудлараро муносабатларни ривожлантириш мақсадида Юта штати губернатори бошчилигидаги делегациянинг Ўзбекистонга ташрифи ташкил этиш бўйича келишувга эришилди.
