Япониянинг нуфузли The Japan News газетаси тонгги саҳифаларида “Ўзбекистон чорраҳада: Қандай қилиб Тошкент Марказий Осиёда янги даврни шакллантирмоқда ва бу Япония учун нимани англатади?” сарлавҳали мақола эълон қилинди.
Мақолада Ўзбекистон минтақани бирлаштираётган локомотив давлат сифатида тасвирланиб, минтақа етакчиларининг мунтазам учрашувлари, чегаравий келишувлар, инфратузилма ва савдо интеграцияси муҳим омиллар сифатида қайд этилган.
Шунингдек, Япония Ўзбекистонни ишончли стратегик ҳамкор ҳамда бутун Марказий Осиёга чиқиш учун муҳим дарвоза сифатида кўраётгани таъкидланган.
Нашрда транспорт, энергетика, рақамли инфратузилма ва хавфсизлик йўналишларида Ўзбекистоннинг марказий ўрни алоҳида урғу билан кўрсатиб ўтилган.
