“Марказий Осиё + Япония” мулоқоти саммити доирасида Ўзбекистон Республикаси Президенти Шавкат Мирзиёев кўп томонлама бизнес форумида иштирок этди.
Тадбирда Япония Бош вазири Санае Такаичи, Қозоғистон Республикаси Президенти Қасим-Жомарт Тоқаев, Қирғиз Республикаси Президенти Садир Жапаров, Тожикистон Республикаси Президенти Эмомали Раҳмон ва Туркманистон Президенти Сердар Бердимуҳамедов ҳам қатнашдилар.
Марказий Осиё ва Япония ўртасидаги савдо-иқтисодий ҳамкорликни ривожлантириш, минтақага Япония инвестициялари ва илғор технологияларини жалб қилиш, саноат кооперациясини кенгайтириш, ишбилармон доиралар ўртасидаги тўғридан-тўғри алоқаларни мустаҳкамлашнинг долзарб масалалари кўриб чиқилди.
Қўшма иқтисодий лойиҳалар тақдимот қилинди. “Сумитомо”, “Чубу Элеcтриc Поwер”, “Шикоку Элеcтриc Поwер” компаниялари томонидан ЖБИC ва НЕХИ кўмагида Ўзбекистонда иккита қуёш электр стансиясини қуриш, “Тоёта Сушо” иштирокида АТ инфратузилмасини модернизация қилиш, “Сожитз” компанияси томонидан кўп тармоқли тиббиёт марказини ташкил этиш, шунингдек, “ЖОГМЕC” иштирокида янги ўта муҳим минерал конларини ўзлаштириш каби Ўзбекистон – Япония инвестиция ташаббуслари шулар жумласидан.
Етакчилар ҳузурида тегишли лойиҳалар бўйича ҳужжатлар алмашилди.
