Табрикда таъкидланишича, ўтган йил давомида икки давлат ўртасида яхши қўшничилик муносабатлари, стратегик шериклик ва ўзаро манфаатли ҳамкорлик жадал ривожланди. Президент Мирзиёев бу натижалар умумий интилишлар ва қўшма саъй-ҳаракатлар самараси эканини қайд этган.
Давлат раҳбари, шунингдек, юқори даражадаги учрашув ва музокараларни фаоллаштириш, эришилган келишувларни тўлиқ амалга ошириш орқали Ўзбекистон ва Қирғизистон 2026 йилда ўз олдига қўйган мақсадларга албатта эришишини таъкидлади.
Табрик сўнгида Шавкат Мирзиёев Садир Жапаровга мустаҳкам соғлик ва муваффақиятлар, қардош қирғиз халқига эса тинчлик ва фаровонлик тилади.
