Қайд этилишича, мазкур ҳолат Ўзбекистоннинг Владивостокдаги Бош консулхонаси ҳамда Миграция агентлиги томонидан назоратга олинган. Бош консулхона марҳумнинг яқинлари билан алоқада бўлиб, уларга зарур консуллик ва амалий ёрдам кўрсатмоқда.
Фуқаронинг жасадини Ўзбекистонга қайтариш бўйича тегишли ишлар олиб борилмоқда.
Ҳодиса юзасидан Ўзбекистон Бош консулхонаси томонидан Хабаровск ўлкаси прокуратураси, тергов бошқармаси ҳамда Россия Федерацияси Ташқи ишлар вазирлигининг ҳудудий ваколатхонасига расмий ноталар юборилиб, ҳолатни ҳар томонлама холисона ва қонуний тартибда ўрганиш сўралган.
Айни пайтда фуқаронинг вафот этиш сабаблари бўйича расман тасдиқланган маълумот мавжуд эмас. Шунингдек, ижтимоий тармоқларда тилга олинган иккинчи Ўзбекистон фуқароси ҳақидаги маълумотлар тасдиқланмади.
