Ўпка саратони ривожланиши хавфини эрта босқичда аниқлаш ва унинг олдини олишга қаратилган янги илмий ёндашув тақдим этилди. Бу ҳақда The New York Times хабар қилди.
“University College London” ва “Francis Crick Institute” олимлари 48 мингдан ортиқ инсон иштирок этган биобанк маълумотларини сунъий интеллект ёрдамида таҳлил қилиб, ўпка саратони билан боғлиқ 14 та асосий оқсилни аниқлади.
Ушбу биомаркерлар касаллик пайдо бўлишидан 5 йилгача олдин хавфни кўрсатиб бериши мумкин.
Тадқиқотчиларнинг айтишича, бу усул ўпка саратони хавфи юқори бўлган одамларни эрта аниқлаш ва уларга профилактик даволаш ёки кузатув чораларини қўллаш имконини беради.
Маълумот ўрнида, мутахассислар “Lung Cancer” дунёда энг кўп ўлимга сабаб бўладиган саратон турларидан бири эканини ва унинг асосий омиллари қаторида чекиш, ҳаво ифлосланиши ҳамда зарарли моддалар билан ишлаш мавжудлигини таъкидламоқда.
