АҚШ президенти Дональд Трамп Эрон ҳудудидан тахминан 450 кг юқори даражада бойитилган уранни олиб чиқиш бўйича эҳтимолий ҳарбий операция масаласини муҳокама қилмоқда. Бу ҳақда The Wall Street Journal манбалари хабар берди.
Манбаларга кўра, бундай миссия мураккаб ва хавфли бўлиб, АҚШ ҳарбийлари Iran ҳудудида бир неча кун қолишига тўғри келиши мумкин. Бу эса аскарлар хавфини сезиларли оширади.
Ҳозирча якуний қарор қабул қилинмаган, аммо Трамп бу ғояни рад этмаяпти ва уни Эроннинг ядро қуроли яратишининг олдини олиш йўлида муҳим қадам сифатида кўрмоқда.
Шу билан бирга, у маслаҳатчиларига Теҳронга босим ўтказиб, уранни келишув асосида топширишга мажбур қилиш имкониятини ҳам кўриб чиқишни топширган.
Оқ уй ва Пентагон расмийлари эса бу борада аниқ изоҳ беришдан тийилмоқда.
