Ўзбекистоннинг қатор ҳудудларида қисқа муддатли ёмғир ёғиши ва момақалдироқ кузатилиши мумкин. Бу ҳақда Ўзгидромет хабар берди.
Маълум қилинишича, Тошкент шаҳрида ҳаво бироз булутли ва ўзгарувчан бўлади. Кечқурун қисқа муддатли ёмғир ёғиши, момақалдироқ бўлиши эҳтимоли бор. Шарқий йўналишда эсувчи шамол тезлиги сониясига 3–8 метрни ташкил этади, айрим вақтларда 10–12 метргача кучайиши ва чанг-тўзонлар билан кузатилиши мумкин. Ҳарорат кечаси 22–24, кундузи эса 36–38 даража атрофида бўлади.
Қорақалпоғистон Республикасида куннинг иккинчи ярмида айрим жойларда қисқа муддатли ёмғир ва момақалдироқ кутилмоқда. Шамол тезлиги баъзи ҳудудларда сониясига 13–18 метргача кучайиши мумкин. Ҳаво ҳарорати кечаси 18–23, кундузи 32–37 даража бўлади.
Хоразм вилоятида ёғингарчилик кутилмаяпти. Ҳарорат кечаси 18–23, кундузи 33–38 даражагача кўтарилади.
Бухоро ва Навоий вилоятларида ҳам ёғингарчилик прогноз қилинмаган. Бироқ айрим жойларда шамол кучайиб, чанг-тўзонлар кузатилиши мумкин. Кундузи ҳаво ҳарорати 36–41 даражагача етади.
Тошкент, Сирдарё, Жиззах ва Самарқанд вилоятларида куннинг иккинчи ярмида баъзи жойларда қисқа муддатли ёмғир ва момақалдироқ бўлиши мумкин. Ҳарорат кундузи 33–38 даража атрофида сақланиб туради.
Қашқадарё ва Сурхондарё вилоятларида ёғингарчилик кутилмайди. Ҳарорат айрим ҳудудларда 42 даражагача кўтарилиши мумкин.
Андижон, Наманган ва Фарғона вилоятларида эса кечга яқин айрим жойларда қисқа муддатли ёмғир ёғиши ва момақалдироқ кузатилиши эҳтимоли бор. Кундузи ҳаво 33–38 даражагача исийди.
Республиканинг тоғолди ва тоғли ҳудудларида қисқа муддатли ёмғирлар, момақалдироқлар кузатилиши мумкин. Мутахассислар сел ва сув тошқини хавфи мавжудлигидан огоҳлантирмоқда.
Шунингдек, синоптиклар маълумотига кўра, ёзнинг энг иссиқ кунларида республика бўйлаб ҳаво ҳарорати 42–44 даражагача, шимолий, жанубий ва чўл ҳудудларида эса 45–47 даражагача кўтарилиши мумкин.
