Эронлик сув танқислигига дуч келди, дея хабар бермоқда Al Jazira ахборот агентлиги.
Қайд этилишича, мамлакатда йиллар давомида қурғоқчилик, ёғингарчиликнинг камайиши ва сув ресурсларидан барқарор бўлмаган тарзда фойдаланиш сув танқислигига олиб келди. Бунинг оқибатида сув омборлари, дарёлар ва ерости сув захиралари камайиб бормоқда.
Бундан ташқари, АҚШ ва Исроилнинг Эронга қарши уруши ҳам вазиятни янада оғирлаштирди. Можаронинг дастлабки ҳафталарида тузсизлантириш заводлари, қувурлар ва бошқа фуқаролик сув инфратузилмаларига зарар етди.
“Эроннинг шимоли-ғарбидаги Урмия кўлининг вақт давомида ўзгаришини акс эттирувчи сунъий йўлдош тасвирлари шуни кўрсатадики, 1990 йилларда қарийб 6 минг квадрат километр майдонни эгаллаган Яқин Шарқдаги энг йирик шўр кўл 2026 йилга келиб атиги 581 квадрат километргача қисқарган”,— дейилади хабарда.
Эроннинг Қишлоқ тараққиёти ва кам таъминланган ҳудудлар бўйича вице-президентининг маълумотларига кўра, мамлакатдаги 69 минг қишлоқдан фақат 38 мингтасида аҳоли яшашда давом этмоқда. 31 минг қишлоқ эса бутунлай ташлаб кетилган.
