Сурхондарё вилоятида ҳайдовчилик гувоҳномасини олиб беришни ваъда қилган шахс фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Денов тумани бўлими томонидан ўтказилган текширувда муқаддам судланган фуқаро Қ.Д. уч нафар шахснинг ишончига кирган. У гўёки вилоят ЙҲХБда ишловчи танишлари орқали “B” ва “C” тоифадаги ҳайдовчилик гувоҳномаларини олиб бериб беришини айтиб, улардан жами 17,3 млн сўм пул олган.
Аниқланишича, ушбу маблағлар фирибгарлик йўли билан қўлга киритилган.
Мазкур ҳолат юзасидан Жиноят кодексининг 168-моддаси (фирибгарлик) ҳамда 28, 211-моддаси (пора бериш) билан жиноят иши қўзғатилган.
Ҳозирда тергов ҳаракатлари олиб борилмоқда.
