Бугун Президент Шавкат Мирзиёев Тошкент шаҳрининг Сергели туманига ташриф буюриб, ҳудудда олиб борилаётган бунёдкорлик ишлари ҳамда амалга оширилган лойиҳалар билан танишмоқда.
Ташриф давомида туман инфратузилмасини ривожлантириш, аҳоли учун яратилган шарт-шароитларни яхшилаш, шунингдек ижтимоий соҳа объектлари фаолияти бўйича бажарилаётган ишлар кўздан кечирилиши кутилмоқда.
Шу билан бирга, Тошкент шаҳрини ижтимоий-иқтисодий ривожлантириш, маҳаллаларда хавфсиз ва барқарор муҳит яратиш ҳамда устувор вазифаларни муҳокама қилиш масалалари ҳам кун тартибида бўлиши режалаштирилган.
