Бугун, 8 июль куни Ўзбекистон Республикаси Президенти Шавкат Мирзиёев Беларусь Республикаси Президенти Александр Лукашенконинг таклифига биноан расмий ташриф билан Минск шаҳрига жўнаб кетди. Бу ҳақда Президент матбуот хизмати хабар берди.
Аввалроқ маълум қилинганидек, ташриф доирасида Минск шаҳрида Ўзбекистон ва Беларусь етакчилари ўртасида олий даражадаги икки томонлама музокаралар ўтказилиши режалаштирилган.
Учрашувлар чоғида Ўзбекистон билан Беларусь ўртасидаги кўп қиррали шериклик муносабатларининг бугунги ҳолати ва уни янада ривожлантириш истиқболлари муҳокама қилинади.
Шунингдек, томонлар савдо-иқтисодий, инвестициявий, саноат кооперацияси, қишлоқ хўжалиги, транспорт-логистика ҳамда маданий-гуманитар соҳалардаги ҳамкорликни кенгайтиришга қаратилган масалаларни кўриб чиқиши кутилмоқда.
