Click катта авлод вакиллари учун “Ғамхўр Click: авлодлар боғлиқлиги” номли таълимий учрашув ўтказди

Учрашувнинг асосий мақсади — катта ёшдагиларнинг рақамли саводхонлигини ошириш ва уларга замонавий рақамли хизматлардан янада ишончли фойдаланишга ёрдам беришдан иборат бўлди.

Тадбир Click ходимлари ва фойдаланувчиларининг ота-оналари, бобо-бувилари ҳамда яқинлари учун ташкил этилди. Лойиҳа доирасида иштирокчиларга мобил иловаларнинг имкониятлари, кундалик тўлов хизматларидан фойдаланиш ва фирибгарликдан ҳимояланишнинг оддий қоидалари ҳақида тушунарли маълумот берилди.

Меҳмонлар Click офиси билан танишиб, компания жамоаси билан суҳбатлашди ва амалий машғулотларда қатнашди. Click мутахассислари содда ва тушунарли тилда илова орқали пул ўтказиш, мобил алоқа, коммунал хизматлар, интернет, телевидение ва бошқа сервислар учун тўловларни амалга оширишни кўрсатиб берди. Рақамли хавфсизлик масалаларига ҳам алоҳида эътибор қаратилди — иштирокчиларга СМС-кодларни бегоналарга айтмаслик, шубҳали ҳаволаларга кирмаслик, мессенжерларда келган илтимосларга асосан пул ўтказмаслик ва номаълум қўнғироқларга эҳтиёткорлик билан ёндашиш кераклиги тушунтирилди. Ушбу мавзулар Click томонидан тайёрланган рақамли саводхонлик презентациясида ҳам батафсил ёритилди.

Учрашувнинг энг муҳим қисмларидан бири “Рақамли клиника” формати бўлди. Унда меҳмонлар ўз саволларини беришлари, телефон ва илова созламалари бўйича ёрдам олишлари ҳамда мутахассислар билан бирга керакли амалларни ўз қурилмаларида бажаришлари мумкин бўлди. Бу ёндашув иштирокчиларга нафақат маълумот эшитиш, балки уни амалда қўллаб кўриш имконини берди.

Бугунги кунда Click Ўзбекистонда рақамли молиявий хизматларни ривожлантириш бўйича етакчи компаниялардан бири ҳисобланади ва нафақат технологияларга, балки фойдаланувчиларнинг рақамли маданиятини ривожлантиришга ҳам изчил инвестиция киритиб келмоқда. Компанияда таъкидланишича, финтех соҳасидаги етакчилик фақат янги маҳсулотларни яратиш эмас, балки замонавий технологияларни ҳар бир инсон учун тушунарли, қулай ва хавфсиз қилиш масъулиятини ҳам англатади.

“Ғамхўр Click: авлодлар боғлиқлиги” лойиҳаси компаниянинг молиявий ва рақамли саводхонликни ривожлантириш бўйича тизимли ишларининг бир қисмига айланди. Clickда қайд этилишича, замонавий технологиялар ҳар қандай ёшдаги инсон учун қулай ва тушунарли бўлиши керак, фойдаланувчиларга ғамхўрлик эса нафақат сервислар, балки жонли ва оддий тушунтиришлардан ҳам бошланади.

Компания фойдаланувчиларга рақамли дунёда ўзини янада ишончли ҳис қилиш ва молиясини хавфсиз бошқаришга ёрдам берадиган ташаббусларни келгусида ҳам давом эттиришни режалаштирмоқда.

Click SuperApp  — https://my.click.uz/app/main-screen 

Ижтимоий тармоқлар:
Instagram — https://www.instagram.com/clickuz/  
LinkedIn — https://www.linkedin.com/company/click-uzbekistan/ 
Telegram — https://t.me/click_uz