АҚШ апелляция суди президент Дональд Трамп маъмуриятига Оқ уй ҳудудида катта бал зали қуриш лойиҳасини амалга оширишни вақтинча тўхтатишни буюрди.
Суд қарорда президент Оқ уйнинг мулкдори эмас, балки вақтинчалик яшовчиси эканини таъкидлади. Шунингдек, Трампнинг тарихий бинога бундай ўзгартиш киритиш учун конституцияда белгиланган ваколатлари мавжуд эмаслиги қайд этилди.
Суд қарорининг кучга киришини икки ҳафтага кечиктирди. Бу Трампга АҚШ Олий судига мурожаат қилиш имконини беради.
Трамп Оқ уйнинг шарқий қисми ўрнида 1000 кишигача сиғадиган, майдони қарийб 8,3 минг квадрат метр бўлган бал зали қуришни режалаштирган. Лойиҳа жамоатчилик ва демократлар томонидан танқид қилинган.
