Ўзбекистонлик шахматчи Жавоҳир Синдоров ва қозоғистонлик Бибисора Ассаубаева FIDE Circuit 2026–2027 рейтингида ўз йўналишларида пешқадамлик қилмоқда.
FIDE маълумотларига кўра, очиқ турнирлар бўйича рейтингда Жавоҳир Синдоров 93,89 очко билан биринчи ўринда бормоқда. У август ойи бошида Шарлоттада ўтказилган Нарoдитский Memorial турнирида рапид ва блиц баҳсларида ғолиб бўлиб, рейтинг пешқадамига айланган.
Иккинчи ўринда АҚШ вакили Уэсли Со 77,23 очко билан қайд этилган. У 20 август куни "Синкуфилд Кап" турнирида учинчи марта чемпион бўлган. Ўзбекистонлик Нодирбек Абдусатторов эса 65,64 очко билан учинчи ўринда.
Аёллар ўртасида FIDE Women’s Circuit 2026–2027 рейтингида қозоғистонлик Бибисора Ассаубаева пешқадамлик қилмоқда. У май ойидаги мусобақалардан кейин рейтингда биринчи ўринни эгаллаган.
