Озарбайжон Президенти Илҳом Алиев рафиқаси билан 23 август куни Ўзбекистонга давлат ташрифи билан келди. Олий мартабали меҳмонларни "Тошкент-Ҳумо" халқаро аэропортида Президент Шавкат Мирзиёев ва рафиқаси кутиб олди.
Аэропортда икки давлат байроқлари кўтарилиб, фахрий қоровул саф тортди.
Ташриф доирасида Ўзбекистон ва Озарбайжон раҳбарлари олий даражадаги музокаралар ҳамда Олий давлатлараро кенгашнинг учинчи йиғилишини ўтказади. Саммит якунида қатор муҳим ҳужжатлар имзоланиши, иқтисодий ва гуманитар лойиҳалар ишга туширилиши режалаштирилган.
