Бош прокуратура ҳузуридаги Департаментнинг Жиззах вилояти бошқармаси ходимлари томонидан ўтказилган тезкор тадбирда Жиззах шаҳар солиқ инспекцияси давлат солиқ бош инспектори ушланган.
Маълум қилинишича, инспектор Х.Ш. ЯТТ "Т.М."нинг 1,4 млн сўмлик солиқ қарздорлигини 17 млн сўм деб кўрсатган. У тадбиркорга ушбу қарздорликни тўламаса, бу ҳақда тегишли идораларга маълум қилишини айтган.
Шунингдек, у тадбиркордан 9 млн сўм берса, юқори лавозимларда ишловчи танишлари орқали солиқ қарздорлигини йўқ қилиб беришини ваъда қилган.
Шундан сўнг у 2 млн сўмни фирибгарлик йўли билан қўлга киритган. Қолган 7 млн сўмни Жиззах шаҳар солиқ инспекцияси биноси олдида олаётган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган.
