Испаниянинг “Атлетико Мадрид” клуби ҳужумчиси Хулиан Альварес жамоада қолишга қарор қилди. Бу ҳақда журналист ва инсайдер Белен Санчес Гарсия ижтимоий тармоқда маълум қилди.
Манбага кўра, аргентиналик футболчи “Арсенал”нинг таклифини, шунингдек, бир қатор бошқа клублардан тушган таклифларни ҳам рад этган.
Аввалроқ Альварес “Атлетико Мадрид” раҳбариятидан уни “Барселона”га қўйиб юборишни сўрагани ҳақида хабарлар тарқалган эди. Бироқ Мадрид клуби каталонияликлар билан музокара олиб боришдан бош тортган.
Маълумот учун, Хулиан Альварес ўтган мавсумда “Атлетико Мадрид” сафида 49 та учрашувда майдонга тушиб, 20 та гол урган ва 9 та голли узатма амалга оширган.
