Жумладан, Нью-Йорк шаҳрида Ўзбекистон байроғини кўтариш маросими дунё молиявий марказининг рамзларидан бири бўлган “Уолл-стрит” кўчасида ўтказилди. Унда дипломатлар, ватандошлар ҳамда ўзбек диаспораси вакиллари иштирок этди. Маросим давомида миллий куй-қўшиқлар ва рақслар ижро этилди.
Сиэтл шаҳрида эса Ўзбекистон байроғи “Белл-Харбор” халқаро конференциялар марказида АҚШ ва Канада байроқлари қаторида жой олди. Шунингдек, шаҳарнинг машҳур “Great Wheel” чархпалаги Ўзбекистон байроғи рангларида ёритилди.
Қайд этиш жоиз, Сиэтл мэри Кэти Б. Уилсон 2026 йил 1 сентябрни “Ўзбекистон Мустақиллиги куни” деб расман эълон қилган.
