Тошкент вилоятининг Янгиўл ва Бўстонлиқ туманларида электр энергиясидан ноқонуний фойдаланиш билан боғлиқ ҳолатлар аниқланди. Бу ҳақда “Ўзэнергоинспекция” маълум қилди.
Маълум бўлишича, Янгиўл туманидаги “Н. С. Ч.” фермер хўжалигига қарашли сув насосларининг ҳисоблагич уланиш схемаси ўзбошимчалик билан ўзгартирилган. Натижада 623 млн сўмлик электр энергиясидан ноқонуний фойдаланилган.
Шу каби ҳолат Бўстонлиқ туманидаги фуқаро Қ. Ф.га қарашли нотурар бинода ҳам аниқланган. Қоидабузарлик оқибатида электр таъминоти корхонасига 1 млрд 78 млн сўмлик зарар етказилган.
Ушбу икки ҳолат бўйича етказилган зарарнинг умумий миқдори 1 млрд 701 млн сўмни ташкил этади.
