Ўзбекистон Республикаси Ҳисоб палатаси раиси Алишер Самадовга икки нафар янги ўринбосар тайинланди. Бу ҳақда Ўзбекистон Республикаси Президенти Администрацияси раҳбари томонидан тегишли фармойишлар имзоланган.
Улуғбек Миркамалович Арипов Ҳисоб палатаси раиси ўринбосари — комплаенс ва коррупцияга қарши ички назорат йўналишига масъул лавозимга тайинланди. Шу муносабат билан у Президент Администрацияси Комплаенс хизмати шўба мудири лавозимидан озод этилди.
Шунингдек, Жамшид Жаҳонгирович Мирзаев Ҳисоб палатаси раиси ўринбосари лавозимини эгаллади.
Бундан ташқари, Отабек Валижонович Аллаберганов бошқа ишга ўтиши муносабати билан Ҳисоб палатаси раиси ўринбосари лавозимидан озод этилди.
Сардор Алишерович Мирзаев эса Президент Администрацияси Комплаенс хизмати шўба мудири лавозимига тайинланди. Шу муносабат билан у Ҳисоб палатаси раиси ўринбосари лавозимидан озод қилинди.
