Ўзбекистон Президенти Шавкат Мирзиёев Сербия Президенти Александр Вучичнинг таклифига биноан расмий ташриф билан Сербияга жўнаб кетди. Бу ҳақда Президент матбуот хизмати хабар берди.
Давлат раҳбари ташрифи доирасида Белград шаҳрида Сербия Президенти Александр Вучич билан олий даражадаги музокаралар ўтказилади.
Шунингдек, икки мамлакат расмийлари ҳамда ишбилармон доиралари вакиллари иштирокида бизнес форуми ташкил этилиши режалаштирилган.
Музокараларда Ўзбекистон — Сербия кўп қиррали ҳамкорлигини янада ривожлантириш ва мустаҳкамлашнинг долзарб масалалари муҳокама қилинади.
Ташриф якунида икки давлат ўртасидаги ҳамкорликни кенгайтиришга қаратилган салмоқли ҳужжатлар тўпламини қабул қилиш режалаштирилган.
