Тошкент шаҳрида жиноят содир этгани учун қидирувда бўлган шахс қўлга олинди. Бу ҳақда Тошкент шаҳар ИИББ маълум қилди.
Маълум қилинишича, 4 сентябрь куни Тошкент шаҳар ИИББ Ягона тезкор бошқарув марказидан Яшнобод тумани Қўриқлаш хизмати навбатчилик қисмига туман ҳудудида ҳаракатланаётган жамоат транспортида Жиноят кодексининг тегишли моддалари билан қидирувда бўлган шахс борлиги ҳақида хабар келиб тушган.
Шундан сўнг Қўриқлаш хизмати ходимлари томонидан зарур чора-тадбирлар кўрилган. Натижада қидирувда бўлган шахс жамоат транспортидаёқ қўлга олинган.
