Генерал-майор Бекмурод Абдуллаев Чилонзор тумани Ички ишлар органлари фаолиятини мувофиқлаштириш бошқармаси бошлиғи лавозимига тайинланди. Бу ҳақда Ички ишлар вазирлиги матбуот котиби Шоҳрух Ғиёсов Darakchi.uz’га тасдиқлади.
Бекмурод Абдуллаев 1975 йилда туғилган. У 1997 йилда Мудофаа вазирлигининг Самарқанд олий ҳарбий автомобиль ва муҳандислик қўмондонлик билим юртини, 2009 йилда Наманган давлат университетини тамомлаган.
У 2020–2021 йилларда Миллий гвардия қўмондонининг биринчи ўринбосари лавозимида хизмат қилган. 2021 йилдан 2025 йилгача эса Ўзбекистон ички ишлар вазирининг ўринбосари — Жамоат хавфсизлиги хизмати бошлиғи лавозимида фаолият юритган.
