Тошкентнинг "Пахтакор" жамоаси Осиё чемпионлар лигаси Элит мусобақаси умумий босқичининг иккинчи турида Саудия Арабистонининг "Ал-Қодисия" клуби билан 1:1 ҳисобида дуранг ўйнади.
"Пахтакор" стадионида ўтган учрашувда ҳисоб 35-дақиқада очилди. Меҳмонлар сафида нидерландиялик ярим ҳимоячи Тижани Рейндерс гол урди.
Тошкентликлар мағлубиятдан ўйиннинг сўнгги дақиқаларида қутулиб қолди. 89-дақиқада Достонбек Ҳамдамов пенальтини аниқ амалга ошириб, ҳисобни тенглаштирди.
Кейинги турда "Пахтакор" сафарда Ироқнинг "Ал-Қува ал-Жавия" жамоасига қарши майдонга тушади.
