Футболчиларнинг трансфер қийматини баҳоловчи “Transfermarkt” портали янгиланган рейтингни эълон қилди. Унга кўра, “Манчестер Сити” ҳужумчиси Эрлинг Холанд ва “Барселона” вингери Ламин Ямал 220 миллион евро билан биринчи ўринни бўлишиб турибди.
“Реал Мадрид” ҳужумчиси Килиан Мбаппе эса 200 миллион евро билан учинчи ўриндан жой олган.
Рейтингнинг кучли ўнталигидан бешта клуб вакиллари ўрин олди. “Реал Мадрид” ҳамда “Пари Сен-Жермен” учтадан футболчи билан етакчилик қилмоқда. “Барселона”нинг икки нафар футболчиси ҳам рўйхатдан жой олган. “Манчестер Сити” ва “Бавария” эса биттадан вакил билан қатнашган.
Рейтингдаги сезиларли ўзгаришлардан бири “Бавария” ярим ҳимоячиси Майкл Олисенинг трансфер қиймати ошгани бўлди. Унинг баҳоси 10 миллион еврога кўтарилиб, 180 миллион еврога етди. 2025 йил октябрь ойида футболчининг трансфер қиймати 130 миллион евро деб баҳоланган эди.
“Реал Мадрид”нинг бразилиялик ҳужумчиси Винисиус Жуниорнинг трансфер қиймати эса 10 миллион еврога пасайди. Шунга қарамай, у энг қиммат футболчилар ўнталигида қолди. 2024–2025 йилларда унинг трансфер қиймати 200 миллион еврога етган эди.
