Самарқанд шаҳрида яшовчи, 1956 йилда туғилган, муқаддам фирибгарлик билан боғлиқ жиноят учун судланган шахс Умра зиёратини ташкил этиш ваколатига эга бўлмагани ҳолда, Оқдарё туманида яшовчи 4 нафар фуқарони Саудия Арабистонига зиёратга юборишни ваъда қилган.
Бунинг эвазига у фуқаролардан 4 800 АҚШ доллари талаб қилган.
Давлат хавфсизлик хизмати ҳамда Самарқанд вилояти Ички ишлар бошқармаси ходимлари ҳамкорлигида ўтказилган тезкор тадбир давомида мазкур шахс 3 000 АҚШ долларини олган вақтида ашёвий далиллар билан ушланган.
Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.
