АҚШ президенти Дональд Трамп Ўзбекистонга ташриф буюриш нияти бор. Бу ҳақда АҚШ президентининг глобал ҳамкорлик бўйича махсус вакили Паоло Замполли "Ўзбекистон 24" телеканалидаги "Таҳлилнома" дастурига берган интервьюсида маълум қилди.
Замполлининг айтишича, Трамп унга шахсан Ўзбекистонга келиш истаги борлигини айтган. Махсус вакил ҳозирда ташрифни ташкил этиш устида ишлаётганини ва сафар яқин вақтда амалга ошишига умид қилаётганини билдирди. Ташрифнинг аниқ санаси ҳозирча маълум қилинмаган.
Эслатиб ўтамиз, 7 август куни Шавкат Мирзиёев ва Дональд Трамп телефон орқали мулоқот қилган. Суҳбат давомида Ўзбекистон президенти АҚШ етакчисини ўзига қулай вақтда мамлакатга расмий ташриф билан келишга таклиф қилган.
