Шунингдек, у FIFA Forward Enterprise лойиҳаси бутунлай бекор қилинганини маълум қилди. Бу ҳақда халқаро футбол федерацияси матбуот хизмати хабар берди.
15 октябрь куни Швейцариянинг Цюрих шаҳрида ФИФА Кенгашининг йиғилиши бўлиб ўтди. Унда Инфантино футбол оламини бирдамликка чақириб, "Футбол ҳамма учун ва ҳамма жойда" тамойилига содиқлигини таъкидлади.
Ташкилот баёнотига кўра, йиғилишда сўнгги ойларда турли манфаатдор томонлар танқидига учраган FIFA Forward Enterprise (FFE) ташаббуси муҳокама қилинган. Инфантино лойиҳани ишлаб чиқиш ва уни оммага тақдим этишда йўл қўйилган хатолар учун узр сўраган.
Шунингдек, мазкур ташаббус бутунлай бекор қилингани ва ҳеч қандай шаклда қайта тикланмаслиги тасдиқланган.
Жорий йилнинг июль ойида ФИФА эркаклар ва аёллар ўртасидаги асосий мусобақаларни бошқариш билан шуғулланадиган алоҳида компания ташкил этишни режалаштираётгани ҳақида хабарлар тарқалган эди. Инфантинонинг фикрича, ушбу лойиҳа ФИФАга аъзо миллий футбол ассоциацияларининг даромадларини ошириш ва жаҳон бўйлаб футболни ривожлантиришга хизмат қилиши мумкин эди.
ФИФА ташаббус доирасида 4,2 миллиард доллар маблағ жалб қилиш имконияти борлигини билдирган. Бироқ лойиҳа футбол федерациялари, турли расмийлар ва бошқа манфаатдор ташкилотлар томонидан танқид қилинган.
Кенг жамоатчилик орасида ҳам эътирозларга сабаб бўлган ташаббус натижасида ФИФА раҳбарияти лойиҳадан воз кечди.
