Қозоғистон чегарасида наркотик моддалар билан қўлга олинган рэпер Navai’га нисбатан очилган жиноят иши тугатилди. Шунингдек, у мамлакатдан депортация қилинди. Бу ҳақда адвокат Сергей Жоринга таяниб, "Super" хабар берди.
Маълум қилинишича, 20 октябрь куни иш реабилитация қилмайдиган асосларга кўра тугатилган.
Адвокатнинг таъкидлашича, Қозоғистонда рэперга нисбатан жазо қўлланилиши хавфи қолмаган. Россияда янги жиноят иши очилиши учун эса алоҳида асослар ва далиллар талаб этилади.
Жориннинг айтишича, агар Navai’ни Қозоғистондан чиқариб юбориш ҳақида суд қарори қабул қилинган бўлса, у беш йил давомида мамлакатга кира олмайди. Бу тақиқ концерт бериш учун ташриф буюришга ҳам тааллуқли.
Эслатиб ўтамиз, 14 октябрь куни рэпернинг Остонадаги концерти бекор қилингани маълум бўлган эди. Ўша куни Жамбил вилояти Ички ишлар бошқармаси Navai наркотик моддалар контрабандасида гумонланиб қўлга олинганини хабар қилган.
15 октябрь куни уни ҳибсга олишга санкция берилгани айтилган. Рэпернинг онаси эса воқеани "туҳмат" деб атаган ва ўғли тез орада озод этилишига ишонч билдирган.
