Маълум қилинишича, жорий йилнинг 20 май куни соат 16:00 да вояга етмаган З.А. ўз бошқарувидаги “Malibu-2” русумли автомобилни Қўқон шаҳридаги Амир Темур кўчасида бошқариб кетаётиб, пиёдалар ўтиш жойидан ўтаётган 2016 йилда туғилган уч нафар вояга етмаган қизларни уриб юборган.
Йўл-транспорт ҳодисаси оқибатида вояга етмаган М.К. олган тан жароҳатлари туфайли шифохонада вафот этган.
Мазкур ҳолат юзасидан вояга етмаган З.А.га нисбатан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган ҳамда Жиноят-процессуал кодексининг 221-моддаси тартибида ушланган.
Ҳозирда дастлабки тергов ҳаракатлари олиб борилмоқда.
