Ўзбекистон ҳукумати атом электростанциясини қуришни режалаштирмаяпти. Бу ҳақда “Новый век” нашри “Ўзбекэнерго” давлат акциядорлик компанияси матбуот хизматига таяниб хабар бермоқда.
Ўтган ҳафта Россия ОАВлари томонидан Ўзбекистон ҳукумати мамлакат ҳудудида атом электростанциясини қуришни режалаштираётгани ҳақида хабарлар тарқалди.
“Ушбу хабар ҳеч қандай асосга эга эмас. Компаниянинг келажакдаги режаларида атом электростанциясини қуриш режаси йўқ”,-дейилади хабарда.
