Компания бош директори Ола Каллениус “The Wall Street Journal”га берган интервьюсида “Mercedes-Benz” Европа мудофаа салоҳиятини кучайтириш жараёнида иштирок этишга тайёр эканини билдирган.
Унинг таъкидлашича, дунёдаги ноаниқлик ва хавфсизликка оид таҳдидлар ортиб бораётгани сабаб Европа давлатлари мудофаа соҳасига эътиборни кучайтиришга мажбур.
Каллениус эҳтимолий ҳарбий йўналиш компания фаолиятининг кичик қисми бўлишини, асосий йўналиш эса барибир енгил автомобиллар ишлаб чиқариш эканини қайд этган.
Шу билан бирга, у мудофаа саноати келажакда энг тез ривожланадиган соҳалардан бири бўлиши мумкинлигини таъкидлаган.
