«Ўзбекистон ҳаво йўллари» миллий авиакомпанияси кенгаши жорий йилнинг тўққиз ойида компаниянинг ишлаб чиқариш ва молия соҳаларида олиб борган фаолиятини кўриб чиқиб, тузилма бўлинмаларининг куз-қиш мавсуми учун тайёрлиги масаласини муҳокама қилди. Бу ҳақда миллий авиакомпания ахборот хизмати хабар бермоқда.
Қайд этилишича, узоқ хорижга юк элтиш кўрсаткичи 2013 йилнинг дастлабки тўққиз ойига нисбатан 17,6 фоизга ошган бўлса, МДҲ давлатларига юк етказиш 22,4 фоизга, маҳаллий йўналишлар бўйича эса 13,4 фоизга ўсган.