Автомобиль ишлаб чиқаришда дунёнинг энг етакчи компаниялари Volkswagen ва Ford 2022 йилдан бошлаб автомобиль ва миниванларни биргаликда ишлаб чиқишга келишиб олди, деб хабар бермоқда РИА Новости нашри.
Шунингдек, учувчисиз транспорт воситалари ва электр ёрдамида ҳаракатланадиган автомобиллар ишлаб чиқариш юзасидан ҳамкорлик меморандуми имзоланди. Ушбу шартноманинг тафсилотлари келгуси ой белгиланади. АҚШ президенти Дональд Трамп ушбу шартномани катта ғалаба, деб атамоқда.
