“Сурхондарё вилояти Сариосиё туманида Обизаранг сел сув омборини қуриш” лойиҳасини амалга ошириш чора-тадбирлари тўғрисида ҳукумат қарори лойиҳаси тайёрланди, деб хабар берди sputniknews-uz.
“Бош лойиҳа ташкилоти “Ўзсувлойиҳа” АЖ томонидан 13,15 млн. куб метр ҳажмдаги сел сув омбори қурилиши назарда тутилган “Сурхондарё вилояти Сариосиё туманида Обизаранг сел сув омборини қуриш” лойиҳасининг техник-иқтисодий ҳисоб-китоблари ишлаб чиқилганлиги маълумот учун қабул қилинсин”, - дейилган ҳужжатда.
Қарорга техник-иқтисодий ҳисоб-китобларининг асосий техник-иқтисодий кўрсаткичлари илова қилинган. Унга кўра, лойиҳанинг умумий қиймати 30 млн. доллардан ортиқ маблағни ташкил қилади. Суғориладиган майдон – 6,6 минг га. Лойиҳани амалга ошириш муддати 2023 йил 30 апрель деб белгиланган.
Шунингдек, 10 кишидан иборат сув омборидан фойдаланиш хизматини ташкил этиш кўзда тутилган.
