Ўзбекистон ҳукумати Олий Мажлиси палатасига «Фаол инвестиция ва ижтимоий ривожланиш йили» давлат дастурининг бажарилиши тўғрисида ҳисобот тақдим этди, дея хабар берилмоқда regnum.ru'га таяниб.
Ҳисоботга кўра, 2019 йилнинг январь-сентябрь ойларида ялпи ички маҳсулот ўтган йилнинг шу даврига нисбатан 5,7 фоизга ўсган. Саноат тармоқларида ўсиш 7 фоизни, сервис ва хизмат кўрсатиш соҳасидаги ўсиш 12,7 фоизни, чакана савдо айланмаси – 7 фоизни, қишлоқ, ўрмон ва балиқчилик – 2,4 фоизни ташкил этди.
Яратилган қулай инвестиция муҳити натижасида жалб қилинган инвестицияларнинг умумий ҳажми 46 фоизга, қурилиш ишлари ҳажми – 19,3 фоизга ўсди.
2019 йил январь-сентябрь ойларида давлат бюджетининг даромадлари 79,2 трлн сўмни ташкил этди, бу ўтган йилнинг шу даврига нисбатан 1,5 баравар кўп, харажатлари эса 86,5 трлн сўмни ташкил этди. давлат бюджети харажатларининг энг юқори қисми (53,2 фоизи) ижтимоий соҳага тўғри келади.
Умуман олганда, давлат дастури 274 банддан иборат бўлиб, уларнинг 203 таси 2019 йилнинг тўққиз ойида якунланиши керак. Ҳисобот даврида давлат дастурининг 168 банди тўлиқ бажарилди, кўриб чиқиш жараёнида 24 та тугалланмаган бандлар бўйича ҳужжатлар лойиҳалари ва 11 та топшириқларни бажариш муддати белгиланган тартибда узайтирилди.
