Маълумки, Қашқадарё вилояти ҳокими вазифасини бажарувчи Зойир Мирзаев воҳага раҳбар бўлган илк кунидан бошлаб, вилоятдаги туман ва шаҳарларни ўрганиш ва мавжуд муаммоларни бартараф қилишга эътибор қаратди.
З.Мирзаевнинг навбатдаги манзили Китоб тумани бўлди.
Хабарингиз бор, октябрь ойида Китоб туманидаги Макрид кенгликлари ҳудудида Xитой Халқ Республикасида фаолият олиб борувчи корхонанинг 100% фоизлик сармояси асосида цемент ишлаб чиқариш заводининг қурилиши ишлари бошланган эди.
Бугун, вилоят раҳбари Макрид кенгликлари ҳудудидаги мазкур цемент ишлаб чиқариш заводининг қурилиши ишлари билан танишди.
Шунингдек, Зойир Мирзаев китоблик зиёлилар билан ҳам учрашди.
Мазкур ташриф доирасида вилоят ташкилоти раҳбарлари Китоб тумани аҳолиси олдида ҳисобот берди. Туман аҳолиси томонидан йўлланган мурожаатлар ижросига алоҳида эътибор қаратилди.
