Андижон вилояти Улуғнор туманида очиқ суд мажлиси ўтказилди.
Ўтказилган очиқ суд мажлисида А.Б. (шахси ўзгартирилган) томонидан диний маросимлар ўтказиш қоидаларини бузганлиги, яъни жорий йилнинг 28 октябрь куни фуқаролар Ў.А. ва Ў.М.ларга Улуғнор тумани, “Сариқ-сув” МФЙ ҳудудида шаърий никоҳ ўқиб никоҳлаб қўйганлиги аниқланди. Бу ҳақда "Даракчи"га ушбу судни олиб борган Улуғнор туман маъмурий судининг раиси Ваҳобжон Сиддиқов маълум қилди.
Судда ҳуқуқбузар, жабрланувчи ва гувоҳларнинг кўрсатувлари тингланиб, далиллар ўрганиб чиқилди.
Суд якунида, А.Б. Ўзбекистон Республикаси МЖтКнинг 201-моддаси 2-қисми билан (Диний йиғилишлар, кўча юришлари ва бошқа диний маросимлар ўтказиш қоидаларини бузиш), ҳуқуқбузарнинг айбига тўлиқ иқрор ва пушаймонлиги, беш нафар фарзандлари борлиги инобатга олиниб, МЖтКнинг 33-моддаси қўлланиб, унга 4.460.000 сўм жарима жазоси тайинланди.
Ачинарли томони шундаки, фуқаро Ў.А.нинг қонуний турмуш ўртоғи Ў.Ш. билан тузилган никоҳ шартномалари суд томонидан бекор қилинмаган, ўрталарида бир нафар вояга етмаган фарзандлари бор бўлса-да, бошқа шахс билан шаърий никоҳдан ўтган, ўз ўрнида ҳуқуқбузар А.Б. ушбу ҳолатларга эътибор бермасдан юқоридаги ҳуқуқбузарликни содир этган.
Қилмишида ҳуқуқбузарлик таркибининг мавжудлиги аниқланган А.Б. маъмурий жавобгарликка тортилиши шарт эканлигини жарима жазосини тўлаганида тушуниб етса керак.
10.08.2023, 20:43
Ижтимоий тармоқда “Асака туманида ЙҲХБ ходими томонидан 2 нафар шахсга нисбатан йўл транспорт ҳодисаси содир этилсада, жазо муқаррарлиги таъминланмаганлиги ҳақида хабар жойлаштирилди. Хабарга кўра, Асакада...
01.02.2023, 09:59
Президент Шавкат Мирзиёев ҳудудлар иқтисодиёти, аҳоли ҳаёти билан яқиндан танишиш мақсадида Андижон вилоятига жўнаб кетди. Бу ҳақда Президент матбуот хизмати хабар бермоқда.Маълум қилинишича, ташриф давомида...
21.12.2022, 09:11
Ижтимоий тармоқларда Андижон вилояти Пахтаобод туманида қизлар ўртасида жанжал юз бергани акс этган видеохабар тарқалди. Ҳолат юзасидан вилоят ИИБ матбуот хизмати маълумот тақдим этди.Маълум қилинишича, 7...
29.11.2022, 21:08
Андижонда юз берган автоҳалокат оқибатида жабрланганлардан яна бири вафот этди. Бу ҳақда ССВ матбуот хизмати хабар қилди. 26 ноябрь куни А-373 Тошкент-Ўш-Андижон автомагистралининг 389-390-километрлари оралиғида "Исузу"...
