Мисрда қазилма ишларини олиб бораётган испан археологлари тириклик вақтида кўкрак саратони билан оғриган аёл кишининг скелети қолдиқларини топишди, дея хабар беради lenta.ru.
Маълумотларга кўра, бу аёл бундан тахминан 4 200 йил аввал яшаган. Суякдаги ўзгаришлар туфайли олимлар унинг кўкрак саратони билан оғриганини аниқлашган.
Олимлар шунингдек, бу аёлни унинг яқинлари яхши парвариш қилганликлари ҳақидаги таҳминни ҳам айтишмоқда. Чунки кўкрак атрофидаги суяклардан аёлнинг саратоннинг охирги босқичлари билан оғригани бу эса кучли оғриқларни келтириб чиқарганини айтишмоқда. Гарчи шундай оғриқлар билан бўлса-да, аёл кексаликкача яшагани уларни ҳайратлантирган.
