Ўзбекистон шифокорлари томонидан фуқароларимизни коронавирусдан сақланиши ва олдини олиш мақсадида янги акция бошлади.
Бугунги кунда ўз ҳаловатидан кечиб, карантинда, тунги сменаларда беморлар саломатлиги учун курашаётган шифокорлар ўзига хос #челленж билан чиқди. Улар фуқаролардан касаллик кенг тарқалмаслиги учун кўчага, бозорга, одам гавжум жойларга чиқмасликни илтимос қилишмоқда.
Ушбу челленжни юртимизда бир шифокор бошлаб берди. Уни бошқа тиббиёт ходимлари давом эттирди. Ҳозирда бу акция бутун Ўзбекистон бўйлаб давом этмоқда.
Ушбу акцияда Андижон шаҳар тиббиёт бирлашмаси ходимлари ҳам фаол иштирок этмоқда.
Сизнинг соғлиғингиз учун қайғураётган шифокорлар кўрсатмаларига амал қилинг!
Ўзингиз ва яқинларингизни асранг!